MATRIKULARI UKO EGITEA

Abenduaren 31 baino lehen

Ikasle ofizial orok egin ahal izango dio uko matrikulari. Horretarako, eskola honetako idazkaritzara jo beharko du inprimakia jaso eta betetzeko. Ikasleari berehala onartuko zaio ukoa, baina uko egitearen arrazoiak aurkeztea gomendatzen da ez bada matrikulatzerakoan zegokion lehentasuna galdu nahi hurrengo ikasturterako. Hala eta guztiz ere, ikasle ofizialari dagokion deialdirik ez du galduko.

Urtarrilaren 1etik aurrera

Matrikulari uko egin nahi dion ikasleak uko egiteko inprimakia bete beharko du idazkaritzan eta inprimakiari uko egitera behartzen duten arrazoien egiaztagiri ofiziala erantsi beharko du. Era horretako uko egiteak onetsi ahal izateko honako arrazoiei begiratuko zaie:

- Norberaren nahiz familiartekoren baten gaixotasun larria.
- Laneko gora-beherak.
- Helbide aldaketak.

Uko egiteko eskakizunak Zuzendaritza Taldeak bideratuko ditu. Berak aztertu eta erabakiko du onetsi ala ez Eskola Kontseiluaren oniritziarekin.